نشرت مجلة “الإذاعة والتليفزيون والسينما والمسرح” في عددها 11 ديسمبر عام 1965 عن حوار نادر بين دكتور مصطفى محمود والفنانة سعاد حسني.

حيث تبادل النجمين الأسئلة بشكل تلقائي وجاءت أبرزها كالتالي :

تفتكرى حاييجى يوم تضحى بالفن عشان راجل؟
– لا.. مش حايحصل.
يعنى مش حتتجوزى؟
– ليه يا أخى.. يمكن ألاقى الراجل الطيب اللى يرضى يخلينى أمثل.
ممكن يقول كده وبعدين يرجع فى كلامه، شىء مش مضمون؟
– يبقى يفتح الله مش حاتجوز.
• ولو اتجوزتى هتتجوزى مين؟
– أتجوز حبيبى.
• مين حبيبك؟
– إللى باحبه.
أسئلة سعاد حسني لمصطفى محمود :

• إيه هو المستحيل فى حياتك؟
– المستحيل فى حياتى وحياة كل الناس هو بلوغ المنى وتحقيق المثاليات.. الواحد دايما بيحقق حاجة ويعجز عن حاجة. والاستحالة الثانية إن الإنسان يهرب من نفسه، من حقيقته، ويمكن ده إللى قصدت أقوله فى قصة “المستحيل”.
• على فكرة إيه رأيك فى فيلم “المستحيل”؟
– بداية تطور فى السينما المصرية، وخطوة للأمام بدون شك.
• يعنى رأيك إنه خالى من العيوب؟
– لا طبعاً، هو العيب الرئيسى فيه بطء الإيقاع، وده ناشىء من طبيعة الفيلم، لأنه فيلم تأمل وتفكير مش فيلم حواديت، وفى الحقيقة إن هذا البطء يشترك فيه السيناريو والقصة والإخراج والتصوير.